وزیراعلیٰ پنجاب شہباز شریف کا کہنا ہے کہ ملک کی تیز رفتار ترقی دیکھ کر مخالفین کی بے چینی بڑھ رہی ہے، دھرنا گروپ کی ہٹ دھرمی نے ملک و قوم کا بے پناہ نقصان کیا ہے۔
وزیراعلیٰ پنجاب نے فرانسیسی سفیر سے لاہور میں ملاقات کی اور کہا کہ مخالفیں کو ڈر ہے کہ ترقیاتی منصوبے مکمل ہونے سے انکی سیاست ہمیشہ کیلیے دفن ہو جائے گی ۔
ان کا کہنا تھا کہ پاکستان کی بڑھتی ترقی کو دیکھ کر مخالفین کی بے چینی بڑھ رہی ہے، ایک طرف ویژن سے عاری سابق حکمران ہیں ،جنہوں نے معیشت کا بیڑا غرق کیا، دھرنا گروپ ہے جس نے انتشار کی سیاست کے ذریعے ترقی کا راستہ روکنا چاہا۔
شہبازشریف نے مزید کہاکہ دھرنا دینے والے اپنے ارادوں میں کامیاب نہیں ہوسکیں گے، افراتفری اور انتشار کی سیاست نہ پہلے کامیاب ہوئی نہ آئندہ کامیاب ہو گی۔