خطروں سے کھیلنا اور کچھ منفرد کر دکھانا ایڈونچر کے شوقین کھلاڑیوں کا پسندیدہ مشغلہ ہوتا ہے تاہم ان میں کچھ سر پھرے کرتب بازی کے لئے ہر حد سے گزر جاتے ہیں اور اپنی جان تک کی پرواہ نہیں کرتے۔
ویڈیو میں نظر آنے والے ان منچلوں کو ہی دیکھ لیں جو ٹرین کی چھت پر سائیکلنگ کا شوق پورا کر رہے ہیں۔
ایڈونچر کے شوقین روسی منچلوں نے کرتب بازی کے لئے ماسکو کے ریلوے اسٹیشن کا انتخاب کیا اور تیز رفتاری سے چلتی ٹرین کی چھت پر سائیکل چلانے کا بھرپور مظاہرہ کیا کہ جیسے یہ ان کے بائیں ہاتھ کا کھیل ہو۔
واضح رہے اس خطرناک اسٹنٹ کے دوران نوجوانوں کی ذرا سی غلطی جان لیوا بھی ثابت ہو سکتی تھی اس لئے شوق اپنی جگہ لیکن احتیاط کا دامن کبھی ہاتھ سے نہ چھوڑیں۔