دنیا بھر میں ایسے فیشن شو تو بہت منعقد کیے جاتے رہتے ہیں جن میں دبلی پتلی اور لمبی ماڈلزمختلف فیشن ڈیزائنرز کے دیدہ زیب ملبوسات زیب تن کیے ریمپ پر کیٹ واک کرتی نظر آتی ہیں تاہم اب جانوروں کے فیشن ڈیزائنرز بھی ایسے ہی شوق اپنانے لگے ہیں۔
امریکی شہر نیو یار ک میں بھی گزشتہ دنوں ایک ایسے ہی فیشن شو کا نظارہ دیکھنے کو ملا جہاں بلیوں کو دیدہ زیب ملبوسات پہنا کر نمائش کیلئے پیش کیا گیا۔
مقامی ہوٹل کی جانب سے منعقد کیے جانے والے 12ویں سالانہ اس فیشن شو میں رنگ بر نگے ملبو سات،وگز،ہیٹس اور کو ٹس میں ملبو س بلیوں نے ریمپ پر چل کر ثابت کر دیا کہ وہ بھی صفِ اول کی ماڈلز سے کسی صورت کم نہیں ۔