امریکہ کے ایک شخص نے اپنے گھر کے گارڈن میں ہالی ووڈ فلم’ اسٹار وارز ‘کا شاندار ماڈل بنایا ہے۔
برطانوی اخبار کے مطابق ’لن ماکیٹ ‘نامی امریکی شخص نے ایک ماہ کے عرصے میں اسٹار وارز کا یہ ماڈل تیار کیا ہے، یہ ان کا کارنامہ نہیں ہے بلکہ اس سے قبل بھی وہ ایسے کئی ماڈلز بنا چکے ہیں۔
ان میں ڈائناسور، ایک اسکول کا نقشہ، جنگی طیارہ اور ایک ٹرانسفارمر کار شامل ہے۔
لن ماکیٹ کا کہنا تھا کہ فلوریڈا میں انہوں نے فلم اسٹار وارز اپنے گھر والوں کے ساتھ دیکھی جس سے متاثر ہوکر انہوں نے اس کا ماڈل بنانے کا فیصلہ کیا۔
انہوں نے مزید کہا کہ وہ امریکہ کے ایک گائوں میں پچھلے پندرہ سال سے رہ رہے ہیں اور ہر سال وہ ایک نیا ماڈل بنا تے ہیں جو نمائش کےلیے بھی پیش کیا جاتا ہے۔
ان کا کہنا تھا کہ اسٹار وارز کا یہ ماڈل لمبائی میں ان کے گھر سےبھی بڑا ہے جو بہت دور سے دیکھا جا سکتا ہے۔ اسے دیکھنے کے لیے لوگوں کی بڑی تعداد ان کے گھر آرہی ہے۔ اس کے علاوہ یہ ماڈل حرکت کرنے کی صلاحیت بھی رکھتا ہے۔