روسی جیوپولیٹیکل مطالعہ مرکز کے سربراہ و سابق روسی وزارت دفاع کے بین الاقوامی باہمی تعاون کے ادارے کے ڈائریکٹرجنرل ایواشف نے کہا ہے کہ عراقی کردستان میں مجوزہ ریفرنڈم امریکا کی سازش ہے۔
ایرانی خبر رساں ادارے کے مطابق انہوں نے کہا کہ امریکہ علاقائی ممالک کے خلاف سازشیں کر رہا ہے اورعراقی کردستان میں مجوزہ ریفرنڈم کا انعقاد ان ہی سازشوں کا حصہ ہے۔
ایواشف نے کہا کہ بعض امریکی حکام نے جھوٹے دعوے کئے کہ عراقی کردستان میں مجوزہ ریفرنڈم کے انعقاد کے مخالف ہیں مگر امریکا عراق اور شام کی تقسیم کا خواہاں ہے اور شام میں بعض مسلح اور دہشتگرد گروہوں کی حمایت کررہا ہے اسی لئے شام اور عراق میں امریکی فوجیوں کی موجودگی بہت ہی خطرناک اور ان کا مقصد علاقائی ممالک پر قبضہ کرنا ہے۔
روسی عہدیدار نے کہا کہ افغانستان، لیبیا اور یمن میں بحران امریکااور اس کے اتحادیوں کی سازشوں کا نتیجہ ہے اسی لئے موجودہ صورتحال میں علاقائی ممالک کے لئے امریکی سازشوں کو ناکام بنانے سے متعلق یکجہتی کی ضرورت ہے۔