کراچی (اسٹاف رپورٹر) پی سی بی انٹر ریجن انڈر19 کرکٹ ٹورنامنٹ کے چوتھے رائونڈ کے تیسرے دن نیاز اسٹیڈیم حیدرآباد میں فاٹا نے حیدرآباد کو 8 وکٹ سے شکست دے دی۔ نیشنل بینک اسٹیڈیم کراچی میں پشاور نے راولپنڈی کو سات وکٹ سے ہرادیا۔ ایبٹ آباد اسٹیڈیم میں کوئٹہ ریجن نے ایبٹ آباد کے خلاف 8 رنز سے کامیابی حاصل کی۔ اقبال اسٹیڈیم فیصل آباد میں فیصل آباد نے لاڑکانہ کو 134 رنز سے زیر کیا ۔ ایل سی سی اے گراونڈ لاہور میں لاہور بلیوز نے بہاولپور کے خلاف اننگز اور 26 رنز سے میچ جیت لیا۔