یونان کے وزیر اعظم الیکسس چپراس نے کہا ہے کہ ترکی کے لئے یورپی یونین کا راستہ کھلا رہنا چاہیے جس کے لئے تعاون جاری رکھیں گے ۔
ترک خبر رساں ادارے کے مطابق یونان کے وزیر اعظم الیکسس چپراس نے گزشتہ روز امریکی صدر ڈونلڈ ٹرمپ کے ساتھ واشنگٹن میں ملاقات کی جس کے بعد وائٹ ہاوس میں منعقدہ کانفرنس میں شرکت کی۔
کانفرنس کے دوران بات کرتے ہوئے انہوں نے کہا کہ ترکی کے نیٹو میں شمولیت اور یورپی یونین کے ساتھ مذاکراتی عمل کے لئے بھر پور تعاون کریں گے۔
انہوں نے مزید کہا کہ ہم ایک علاقائی طاقت کے طور پر ترکی کا احترام کرتے ہیں اور اس کے یورپی پس منظر کی طرف رجوع کرنے کی ضرورت پر یقین رکھتے ہیں۔