سری لنکن ٹی 20 ٹیم کے کپتان تھیسار پریرا نے قیادت ملنے پر خوشی کا اظہار کیا اور کہا کہ ورلڈ الیون کے ساتھ دورہ پاکستان میں سیریز ہارگئے تھے لیکن وہاں کے سیکیورٹی انتظامات نے بہت متاثر کیا تھا ۔
پاکستان اور سری لنکا کے درمیان جاری ایک روزہ سیریزکے کپتان اوپل تھرنگا کے لاہور آنے سے انکار کے بعد لنکن بورڈ نےٹی 20 سیریز کے لئے تھیسارا پریرا کو کپتان بنادیا ہے ۔
ایک انٹرویو میں پریرا نے کہا کہ کپتان بننا ہر کھلاڑی کا خواب ہوتا ہے ،اس خواب کے سچ ہونے کی مجھے بہت خوشی ہے ، پاکستان کے خلاف ٹی 20 کی ٹیم سلیکشن سے مطمئن ہوں ،کھلاڑی سیریز میں کچھ خاص کرنے کی صلاحیت رکھتے ہیں ۔
ان کا مزید کہناتھاکہ انہوں نے ورلڈ الیون کے ساتھ پاکستان کا دورہ کیا ، سیکیورٹی کے بہت اچھے انتظامات کئے تھے، بدقسمتی سے سیریز تو ہار گئے لیکن اُنہیں سیکیورٹی نے بہت متاثر کیا۔