زمبابوے کے صدر رابرٹ موگابےسینتیس سال اقتدار میں رہنے کے بعد فوج عوام اور پارٹی کے دباؤ پرمستعفی ہو گئے، جس کے بعد سے زمبابوے میں جشن کا سماں برپا ہے۔
زمبابوےکی پارلیمنٹ میں صدر کے مواخذے کا اجلاس شروع ہونے کے کچھ دیر بعد ہی صدر رابرٹ موگابے نے خط کے ذریعے اسپیکر کو اپنے مستعفی ہونے کا بتایا۔
رابرٹ موگابے نے اقتدار کی ہموار منتقلی کے لیے صدارت سے باضابطہ اور رضاکارانہ مستعفی ہونے کا اعلان کیا، استعفیٰ کا اعلان ہوتے ہی ارکان پارلیمنٹ اور عوام نے جشن منانا شروع کر دیا۔
زمبابوے میں پندرہ نومبر کو فوج نے ملک کی اہم عمارتوں کا کنٹرول سنبھال کر صدر موگابے کو نظربند کردیا تھا، رابرٹ موگابے پر ملکی معیشت کو نقصان پہنچانے کے الزامات عاےکئے گئے تھے۔