ایران کی سپاہ پاسداران انقلاب کے ڈپٹی کمانڈر بریگیڈیئر جنرل حسین سلامی نے کہا ہے کہ یورپی ممالک کو ایران کے میزائل سسٹم کے بارے میں بات کرنے سے پرہیز کرنا چاہیے۔
جنرل سلامی نے ایک ایرانی ٹی وی چینل سے گفتگو کرتے ہوئے کہا کہ ہمارے دفاعی میزائلوں کی رینج محدود ہے اور خطرات کے پیش نظر ہم میزائلوں کی رینج میں اضافہ کر سکتے ہیں۔
اگر یورپی ممالک نے ہمارے میزائل سسٹم کے بارے میں اپنی روش نہ بدلی تو ہم اپنے میزائلوں کی رینج میں اضافہ کرنے پر مجبور ہوجائیں گے۔
جنرل سلامی نے عراق اور شام میں داعش کے خاتمہ کو اسلامی محاذ کی بہت بڑی فتح اور امریکا کی سرپرستی میں محاذ کی ذلت آمیز شکست قراردیا۔