یوں تو آپ نے اکثر افراد کو زبردستی اپنے مطالبات منواتے ہوئے دیکھا ہوگا لیکن جناب یہاں تو جانور بھی دادا گیری پر اُتر آئے ہیں۔
یقین نہیں تو ویڈیو میں نظر آنے والے اس ہاتھی کو ہی دیکھ لیں جس نے کھانے کے حصول کیلئے گاڑیوں پر دھاوا بول دیا ہے۔
یہ مناظرچین میں دیکھے گئے جہاں ایک بس ڈرائیور سڑک سے گزر رہا تھا کہ اچانک ہاتھی آگیا اور بھوک سے ستائے ہاتھی نے نہ صرف بس کا راستہ روکا بلکہ اپنی سونڈ سے بس پر دھاوا بول دیا اور بس کی ونڈ شیلڈ توڑ دی ۔
اسی دوران سڑک کنارے پارک ٹرک کو بھی نہ چھوڑا اور ٹرک کو بھی اُلٹنے کی بھرپور کوشش کی تاہم خوش قسمتی سے ٹرک میں کوئی موجود نہیں تھا جبکہ ہاتھی میاں کی اس بدمعاشی سے بس ڈرائیور بھی بالکل محفوظ رہا ۔