ویژن پاک کے صدر فہد خان نےکہا ہے کہہم ایتھلیٹیکو کلب پینیرول کے شکر گزارہیں کے انہوں نے پاکستان آنے کی دعوت قبول کرتے ہوئے یہاں میچز کھیلنے پر آمادہ ہوئے۔
انھوں نے کہا کہ ایتھلیٹیکو پینیرول کلب کی انڈر16 ٹیم رواں برس اپریل میں پاکستان کا دورہ کرے گی اور تین میچوں کی دوستانہ سیریز پاک الیون ایف سی کے ساتھ کھلے گی۔ان خیالات کا اظہار انھوں نے لاہور میں پریس کانفرنس کے دوران میڈیا سے باتیں کرتے ہوئے کیا۔
فہد خان نے بتایا کہ پاکستانی فٹ بال میں یہ اہم پیش رفت ہے کہ یوراگوئے کی ٹیم ہمارے ملک کے شہروں میں مقابلہ کرے گی۔ پہلے دو میچ کراچی میں کھیلے جائیں گے اور تیسرا میچ ملتان میں ہوگا۔ اس وقت پاکستان میں فٹ بال مشکل دور سے گزررہا ہے یہ سیریر کھلاڑیوں، کوچز، ریفریز اور فٹبال شائقین کے لیے امید کی ایک کرن ثابت ہوگی۔
کراچی کا انتخاب اس لئے کیا گیا ہے کہ وہاں فٹبال کے بے تحاشا مداح ہیں اور فٹبال کے 300 سے زائدکلب موجود ہیں۔ انہوں نے مزید کہا کہ ہم پر امید ہیں کہ ہماری اس کاوش سے ہم اپنے اسٹیڈیم دوبارہ شائقین سے بھر سکیں گے۔