امریکی وزیر خارجہ ریکس ٹلرسن کا کہنا ہے کہ امریکی فوج شام میں موجود رہے گی تاکہ شامی صدر بشار الاسد اور ان کے اتحادی ایران کی طاقت کی مزاحمت کی جاسکے ۔
اسٹینفورڈڈ یونیورسٹی میں بات کرتے ہوئے امریکی وزیر خارجہ کا کہنا تھا کہ شام سے امریکہ کے نکلنے کی صورت میں ایران کو وہاں اپنی پوزیشن مضبوط کرنے کاموقع ملے گا۔شام میں امریکی فوج کا مشن داعش کاخاتمہ اور اسکی واپسی روکنا ہے ۔
ریکس ٹلرسن کے بیان پر شامی وزارت خارجہ نے ردعمل دیتے ہوئے کہا ہے کہ شام میں امریکی فوج کی موجودگی غیرقانونی ہے جو شام کی خودمختاری کے خلاف 'جارحیت ظاہر کرتی ہے۔