پاکستان کرکٹ بورڈ نے پی ایس ایل تھری کے کمنٹری پینل کا اعلان کر دیا ہے، آسٹریلوی اسٹار کرکٹرز مائیکل سلیٹر اور ڈیمین فلیمنگ بھی کمنٹری کریں گے ۔
پاکستان سپر لیگ کا تیسرا ایڈیشن 22 فروری سے شروع ہو رہا ہے، پی سی بی نے اس ایڈیشن کیلئے ٹاپ کلاس کمنٹیٹرز کی خدمات حاصل کی ہیں تاکہ میچز کے دوران ہر رنگ نظر آئے ۔
پاکستان کے رمیز راجہ اور بازید خان کے علاوہ ڈینی موریسن ،ایلن ولکنز تو کمنٹری کریں گے ہی آسٹریلیا سے تعلق رکھنے والے دو اور ویسٹ انڈیز کے ایک سابق کرکٹر پی ایس ایل میں کمنٹری کا ڈبیو کریں گے ۔
ڈبیو کرنے والوں میں ڈیمین فلیمنگ ، مائیکل سلیٹر اور ڈیرن گنگا شامل ہیں۔ڈیمین فلیمنگ اور مائیکل سلیٹر ریٹائرمنٹ کے بعد سے کمنٹری سے وابستہ ہیں ۔