میئر کراچی وسیم اختر نے کہا ہے کہ فاروق ستار صرف ایک آدمی کی وجہ سے پارٹی کو تتر بتر کر رہے تھے ۔
جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے انھوں نے کہا کہ کراچی میٹروپولیٹن کارپوریشن میں ایم کیو ایم کے دو سو چار ارکان ہیں ، ان میں سے ایک سو سترہ ارکان ان کے طلب کردہ اجلاس میں شریک ہوئے۔
وسیم اختر نے کہا کہ کامران ٹیسوری رابطہ کمیٹی میں سے کسی کو بھی منظور نہیں، فاروق ستار انھیں چھوڑ کر واپس آئیں تو قبول کر لیں گے، رابطہ کمیٹی نے واپسی پر فاروق ستار کو کنوینر بھی بنا لیا تو انھیں قبول ہے ۔