لندن (جنگ نیوز) ہائی کمیشن فار پاکستان ان لندن کے زیراہتمام مانچسٹر میں 23جون 2018ء کو چوتھا کونسلرز کنونشن منعقد کیا جائے گا۔ سیدابن عباس ہائی کمشنر پاکستان نے مانچسٹر میںکنونشن کے انعقاد کا اعلان 24فروری کو لندن کے کونسلرز کنونشن میں کیا تھا۔ کمیونٹی کے زبردست فیڈبیک اور کنونشن کی کامیابی کے بعد مانچسٹر میں بھی اس طرحکا کنونشن کرانے کی حوصلہ افزائی ہوئی جس پر ہائی کمیشن نے برطانیہ کے مختلف علاقوں میںکونسلرز کنونشن کرانے کا فیصلہ کیا، ان کنونشنز کے انعقاد کا مقصد پاکستانی کمیونٹی کو منتخب لیڈر کے ساتھ منسلک کرنا اور برٹش پاکستانی ڈیاسپورا کی مین سٹریم برطانوی سوسائٹی میں انٹیگریشن کی حوصلہ افزائی کرنا ہے۔ کنونشن یہ موقع بھی فراہم کرے گا کہ اس میں برطانیہ میں تمام شعبہ ہائے زندگی میں کامیاب ہونے والے پاکستانیوں کو بھی سراہا جائے۔ کنونشن کے سپیکرز میںایم پیز/ایم ای پیز، کونسلرز، میئرز، کمیونٹی لیڈرز اور اکیڈمکس شامل ہوں گے جو وہاں زیربحث آنے والے ایشوز پر اپنا موقف بھی پیش کریںگے۔ اس ایونٹ کے لئے قونصلیٹ جنرل آف پاکستان فوکل پوائنٹ ہوگا اس حوالے سےمزید معلومات وقتاً فوقتاً شیئر کی جائیں گی۔