ہالی ووڈ اداکارہ نتالی پورٹ مین نے اسرائیل کی حکومت کی جانب سے بیس لاکھ ڈالر کا ایوارڈ وصول کرنے کی تقریب کے بائیکاٹ کا اعلان کیا ہے ۔
یہودی اداکارہ نتالی پورٹ مین کا کہنا ہے یہ تقریب یروشلم میں منعقد کی جائے گی اور اس میں بینجمن نتن یاہو نے کلیدی خطاب کرنا تھا،اس طرح وہ ایوارڈ وصول کر کے نتن یاہو کی پالیسیوں کی توثیق نہیں کرنا چاہتی تھیں۔
امریکی اداکارہ نے اسرائیل کی وزیر ثقافت میری راگیو کے اُس بیان کی بھی تردید کی ہے، جس میں کہا گیا تھا کہ ایوارڈ کی تقریب کا بائیکاٹ کر کے پورٹ مین نے اُن پالیسیوں کی حمایت کی ہے جو اسرائیل مخالف اور بی ڈی ایس تحریک کا حصہ ہیں۔
بی ڈی ایس موومنٹ ایک عالمی تحریک ہے جو آزادی، انصاف اور مساوات کا پرچار کرتی ہے۔ پورٹ مین نے اپنے تردیدی بیان میں واضح کیا کہ وہ کسی بھی صورت میں بی ڈی ایس تحریک کا حصہ نہیں ہیں اور نہ ہی اُس کی پالیسیوں کی توثیق یا حمایت کرتی ہیں۔