کراچی کے علاقے کٹی پہاڑی کے مقام پر پہاڑ سے پتھر اور مٹی کے تودے گرنے کے باعث اہل علاقہ شدید پریشان ہیں۔
ذرائع کے مطابق نارتھ ناظم آباد میں کٹی پہاڑی کے مقام پر پہاڑ کی دونوں جانب سے پتھر اور مٹی نیچے سے گزرنے والی سڑک پر گررہی ہے ۔
اہل علاقہ کے مطابق پہاڑی پر مزدور بڑے تعداد میں پتھر ڈمپر ز میں بھر کر زیر تعمیر عمارتوں کے لئے منتقل کررہے ہیں، جس کی وجہ سے پہاڑ سے مٹی کے تودے گررہےہیں۔
اس صورتحال پر ضلعی انتظامیہ یا حکومتی ادارے کا کوئی افسر نہیں پہنچا اورنہ ہی سڑک کی صفائی کرئی گئی ہے ۔
اہل علاقہ کا کہنا ہے کہ اگر اس حوالےسے احتیاطی انتظامات نہیں کئے گئے تو کسی بھی وقت سنگین حادثہ رونما ہو سکتا ہے۔