نوبیل انعام یافتہ ملالہ یوسف زئی نے پاکستانی طالبہ سبیکا شیخ کے والد عزیز شیخ سے فون پر رابطہ کرکے سبیکا کی مو ت پر افسوس کا اظہار کیا ہے۔
ملالہ یوسف زئی نے کہا کہ قوم ایک ہونہار بیٹی سے محروم ہو گئی ہے۔
ملالہ نے سبیکا کے والد اور بہن سے کہا کہ وہ ان کو اپنی،بیٹی اور بہن کی طرح سمجھیں، وہ ان کے غم میں برابر کی شریک ہیں۔
سبیکا کے والد نے کہا کہ وہ چاہتے ہیں گن وائلنس کے خلاف آواز اٹھائی جائے جس پر ملالہ یوسفزئی نے انھیں یقین دلایا کہ وہ اس معاملے پر ان کا پورا ساتھ دیں گی۔