پاکستانی خوبرو اداکارہ حریم فاروقی نے کینیڈین وزیراعظم جسٹن ٹروڈو سے ملاقات کی جس میں دونوں ملکوں کی انٹرٹینمنٹ انڈسٹری کے حوالے سے بات چیت کی گئی۔
حریم فاروق اس وقت کینیڈا کے دورے پر ہیں جہاں دارالحکومت اوٹاوا میں ان کی جسٹن ٹروڈو سے ملاقات ہوئی۔
حریم فاروقی نے سماجی رابطے کی ویب سائٹ انسٹا گرام پر سب کے پسندیدہ جسٹن ٹروڈو کے ساتھ ایک تصویر شیئر کیں اور ساتھ میں لکھا، یہ لمحہ میرے کیریئر کی بلندی ہے کہ مجھے جسٹن ٹروڈو سے ملاقات کا موقع ملا۔
انہوں نے مزید بتایا کہ کینیڈین وزیراعظم سے ملاقات کے دوران پاکستان انٹرٹینمنٹ انڈسٹری پر تفصیلی گفتگو کی گئی، ساتھ ہی فلموں، ڈراموں، موسیقی اور ٹیلنٹ کے اشتراک سے دونوں ممالک کو قریب لانے کے حوالے سے بھی تفصیلی بات کی گئی۔
حریم فاروقی کا شمار پاکستان کی مشہور اداکاراؤں میں ہوتا ہے۔
انہوں نے ’دیار دل‘، ’صنم‘ اور ’موسم‘ جیسے کامیاب ڈراموں کے علاوہ فلم ’دوبارہ پھر سے‘ اور ’پرچی‘ میں بھی اداکاری کے جوہر دکھا چکی ہیں۔