جو والدین موبائل فون کا زیادہ استعمال کرتے ہیں وہ اپنے بچوں کے برے رویوں یا خراب برتاؤ کے ذمے دار ہیں۔
یہ انکشاف ’ٹیکنوفیرنس‘ کے نام سے ایک اسٹڈی کے دوران سامنے آیا ہے۔ ٹیکنو فیرنس کی اصطلاح کا مطلب "آمنے سامنے ہونے کے باجود ٹیکنالوجی آلات کی وجہ سے باہمی گفتگو میں تعطل" ہے۔
اسٹڈی میں تقریباً 200 خاندانوں نے حصہ لیا ۔ سائنس دانوں کا کہنا ہے کہ کھانے کے دوران والدین خصوصاً ماؤں کی جانب سے ٹیکنالوجی آلات کا استعمال بچوں میں مایوسی پیدا کرسکتا ہے۔
اس عمل سے ان میں چڑچڑاپن، بدمزاجی، خاموشی اور غصہ پیدا ہوجاتا ہے۔ ریسرچ میں یہ بات سامنے آئی کہ بچوں میں برے رویے کا گہرا تعلق ان کی ماؤں کے موبائل فون کے استعمال سے ہے۔