سابق وزیراعظم میاں نوازشریف کے داماداور مریم نواز کے شوہر کیپٹن (ر) صفدر کی طبیعت میں بہتری آ رہی ہے۔پمزاسپتال نے تشخیصی مراحل مکمل کر لئے اور5 رکنی میڈیکل بورڈ نے ٹیسٹ رپورٹس کلیئر قرار دے دی ہیں۔
رپورٹ کے مطابق خون کے تمام نمونوں کی تشخیص میں کوئی پیچیدگی نہیں تاہم کیپٹن (ر) صفدر کو مزید ایک سے 2 روز تک اسپتال میں رکھنے کا امکان ہے۔
یاد رہے کیپٹن(ر)صفدر کو اڈیالہ جیل میں طبیعت خراب ہونے کے باعث پمزاسپتال منتقل کیا گیا تھا، انہیںنوازشریف کے منی لانڈرنگ کیس میں غیر مصدقہ شہادت دینے پر ایک سال کی قیدکی سزا سنائی گئی ہے ۔