ایشین گیمز ،ہاکی کے بعد اسکواش میں بھی پاکستانی ٹیم کو شکست

August 31, 2018
 

ایشین گیمز کے دوران ہاکی میں گولڈ میڈل سے محرومی کے بعداسکواش مقابلوں میں بھی پاکستانی ٹیم کو ملائشیا کے خلاف شکست کا سامنا کرنا پڑا اور برانز میڈل پر اکتفا کرنا پڑا۔موجودہ گیمز میں پاکستانی ٹیم چار برانز میڈلز کے ساتھ پوائنٹس ٹیبل پر 34 ویں نمبر پر ہے۔ بیس بال میں پاکستان نے آخری گروپ میچ میں ہانگ کانگ کو ہرا دیا۔

ایونٹ کے ہاکی مقابلوں میں پاکستان اور بھارت کی ٹیمیں برانز میڈل کیلئے ہفتے کو مقابلے کریں گی۔ جکارتہ میں جاری ایشین گیمز کے اسکواش ایونٹ میں ملایشیا نے پاکستان کو2-0 سے شکست دیکر مینز اسکوائش ایونٹ کے فائنل کیلئے کوالیفائی کرلیا۔

سیمی فائنل میں ملائشیا نے پاکستان کو پہلے سیٹ میں6 11-8 11-6 11-اور دوسرے سیٹ میں 7-11 11-8 16-14 11-6سے زیر کیا۔ پاکستان نے ایونٹ میں تیسری پوزیشن حاصل کر کے برانزمیڈل اپنے نام کیا۔

مینز ہاکی ایونٹ کا فائنل ہفتے کو ملائشیا اور جاپان کے درمیان اور تیسری پوزیشن کے برانز میڈل کیلئے پاکستان اور بھارتی ٹیمیں بھی اسی روز ایک دوسرے کے مدمقابل ہوں گی۔

پاکستان بیس بال ٹیم نے اپنے آخری گروپ میچ میں ہانگ کانگ کو 2 کے مقابلے میں 12 رنز سے شکست دے دی ۔پاکستان کی جانب سے ارسلان جمشید نے 4، عبیداللہ نے 3 اور فضل خان نے 2 رنز اسکور کئے۔

پاکستان نے اس سے قبل انڈونیشیا اور تھائی لینڈ کی ٹیموں کوشکست دی تھی جبکہ جاپان اور چین کے ہاتھوں اسے شکست کا سامنا کرنا پڑا تھا۔ سیپک ٹاکرا کے ریگو اور کوارڈ مقابلوں میں پاکستانی کھیلے گئے تمام کے تمام چھ میچوں شکست کھا گئی۔

آخری مقابلے میں ویتنام نے پاکستان کو 2-0 سے شکست دی۔ رگبی میں چین نے پاکستان کو 53-0 سے شکست دی جبکہ دوسرے میچ میں پاکستان نے انڈونیشیا کو21-5 سے ہرایا۔ جوڈو مائنس100 کے جی فائٹ میں قازقستان کے ڈی وکٹر نے پاکستان کے شاہ حسین شاہ کو صفر کے مقابلے میں 10s1 سے جبکہ -90 کے جی میں چائینیزتائپے کے چیون شین نے پاکستان کے قیصرخان کو صفر کے مقابلے میں 1S2 سے ہرادیا۔


مکمل خبر پڑھیں