اوول ٹیسٹ: انگلش اسکواڈکا اعلان، ووکس اور پوپ کی ٹیم میں واپسی

September 04, 2018
 

انگلینڈ نے بھارت کے خلاف پانچویںاور آخری ٹیسٹ میچ کے لیے اپنی ٹیم کا اعلان کر دیا۔ٹیم میں کرس ووکس اور اولی پوپ کی واپسی ہوئی ، جیمز ونس ڈراپ، سیریز میںانگلینڈ کوبھارت کے خلاف1-3کی ناقابل شکست برتری حاصل ہے۔

ووکس انجری مسائل کے باعث سیریز کا چوتھا ٹیسٹ میچ نہیں کھیل سکے تھے ، اب انجری سے صحت یاب ہونے کے بعد ان کی ٹیم میں واپسی ہوئی جبکہ اولی پوپ بھی گزشتہ 2 ٹیسٹ میچز میںٹیم کا حصہ تھے لیکن وہ بیٹنگ میںخاطر خواہ کارکردگی نہیں دکھا سکے تھے۔

اعلان کردہ انگلش اسکواڈ میں کپتان جو روٹ، معین علی، جیمز اینڈرسن، جونی بیئراسٹو، اسٹورٹ براڈ، جوز بٹلر، ایلسٹر کُک، سیم کرَن، کیٹن جیننگز، اولی پوپ، عادل رشید، بین اسٹوکس اور کرس ووکس شال ہیں۔

واضحرہے کہ انگلینڈ اور بھارت کے درمیان سیریز کا پانچواں ٹیسٹ میچ 7ستمبر سے اوول میں کھیلا جائے گا جو عظیم انگلش اوپنر ایلسٹر کک کے کیریئر کا آخری ٹیسٹ میچ ہو گا۔

انگلش اوپنر کک نے گزشتہ روز ٹیسٹ کرکٹ سے ریٹائرمنٹ کا اعلان کردیا تھا اور بتایا تھا کہ وہ بھارت کے خلاف اوول کرکٹگرائونڈ میںکھیلا جانے والا سیریز کا آخری ٹیسٹ ان کے کیریئر کا بھی آخری میچ ہوگا۔


مکمل خبر پڑھیں