ملتان (اسپورٹس ڈیسک)پاکستان کے دورہ جنوبی افریقا کا شیڈول جاری کردیا گیا ہے۔50 روزہ طویل دورے میں 3 ٹیسٹ ،5 ون ڈے اور 3 ٹی 20 میچ ہونگے۔ پاکستان کا دورہ جنوبی افریقا 19 دسمبر سے 3 روزہ میچ کے ساتھ شروع ہوگا ، پہلا ٹیسٹ باکسنگ ڈے 26 دسمبر سے سنچورین میں کھیلا جائے گا۔ 3 سے 7 جنوری تک کیپ ٹائون اور 11 سے 15 جنوری تک جوہانسبرگ میں دوسرا اور تیسرا ٹیسٹ ہوگا۔ پورٹ الزبتھ میں 5 ایک روزہ میچوں کی سیریز کا پہلا میچ 19 جنوری، دوسرا میچ 22 کو ڈربن، تیسرا 25 کو سنچورین ، چوتھا 27 کو جوہانسبرگ اور پانچواں و آخری میچ 30 جنوری کو کیپ ٹائون میں ہوگا ۔ 3 ٹی 20 میچوں کی سیریز کے میچز یکم فروری کو کیپ ٹائون، 3 فروری کو جوہانسبرگ اور 6 فروری کو سنچورین میں کھیلے جائیں گے ۔