مسیحی برادری کے تہوار کرسمس سے قبل ہی دنیا بھر میں اس حوالے سے تقریبات کا آغاز ہوجاتا ہے۔فرانس کے دار الحکومت پیرس میں واقع ڈزنی لینڈ تھیم پارک میں بھی ہرسال کی طرح اس مرتبہ بھی شاندارکرسمس فینٹیسی پریڈ کا انعقاد کیا جارہا ہے۔
اس منفرد پریڈ میں کرسمس کی مناسبت سے سجے درجنوں فلوٹس نے دیکھنے والوں کو سحر میں مبتلا کررکھا ہے۔ اس پریڈ کو دلفریب بنانے کیلئے مختلف ڈیزائن کی گاڑیوں کو مختلف شکلوں میں ڈھالا گیا ہے جبکہ پریڈ کے دوران موسیقی اور رقص کا بھی شاندار مظاہرہ کیا جارہا ہے۔
واضح رہے کہ ڈزنی لینڈ تھیم پارک پیرس میں کرسمس کی مناسبت سے منعقد کی جانے والی پریڈ8جنوری 2019تک جاری رہے گی۔