پنجاب کے شہر گوجرانوالہ میں سرکاری بینک کی خاتون منیجر نے مبینہ طور پر چیک کیش کرنے سے انکار پر کیشیئر پر تھپڑوں کی بارش کر دی ۔
گوجرانوالہ کے ماڈل ٹاؤن میں واقع سرکاری بینک کی 15 نومبر کی سی سی ٹی وی فوٹیج میں خاتون بینک منیجر کو کیشیئر پر تشدد کرتی دیکھا جاسکتا ہے۔
بینک کے کیشئر کا کہنا تھا کہ بینک منیجر نے ڈھائی لاکھ روپے کا چیک کیش کرنے کے لے دیا تھا لیکن اکاؤنٹ میں صرف 40 روپے موجود تھے جس پر میں نے چیک کیش کرنے سے انکار کردیا اور بینک منیجر نے مجھے تشدد کا نشانہ بنایا۔
خاتون بینک منیجر کا کہنا تھا کہ کیشیئر نے اس کا ہاتھ پکڑا تھا جس پر اس کی پٹائی کی،فوٹیج میں واقعے کا صرف ایک حصہ دکھایا گیا ہے۔
بینک انتظامیہ نے خاتون منیجر کو معطل کر کے واقعے کی تحقیقات شروع کر دی ہیں۔