پاکستان کرکٹ ٹیم کے چیف سلیکٹر انضمام الحق نے قومی ٹیم کی پرفارمنس پر برہمی کا اظہار کرتے ہوئے کہا کہ کوئی بھی کھلاڑی ذمہ داری نہیں لے رہا، کھلاڑیوں کو اپنی ذمہ داریاں لینی ہونگی۔
لاہور کے نجی اسکول میں اسپورٹس گالا میں پاکستان کرکٹ ٹیم کے چیف سلیکٹر انضمام الحق نے میڈیا سے گفتگو میں کہا کہ ٹیم کی کارکردگی بری رہی ہے، صرف کپتان کا نہیں سب کا قصور ہے اگر ذمہ داری نہیں لے گا کوئی تو پھر تبدیلی ضرور ہوگی جو اچھا نہ کھیلا اس پر تنقید بھی ہوگی ۔
انضمام الحق کا مزید کہنا تھا کہ کپتان کوئی بھی تا حیات نہیں ہوتا ، جنوبی افریقا سیر یز ہمیشہ سے سخت رہی ہے ہمیں بہت محنت کرنا ہوگی۔
پاکستان کرکٹ ٹیم کے چیف سلیکٹر نے کہا کہ انٹرنیشنل کرکٹ نام ہی پریشر ہینڈل کرنے کا ہے شاداب اور فخر کو انجری کے خدشے کے باعث پاکستان بلا کر آرام دیا۔