پنجاب کے شہر گجرات میں شادی سے انکار پر نوجوان نے اپنی کزن کو فائرنگ کرکے قتل کر دیا،پولیس نے ملزم کو گرفتار کر لیا۔
گجرات پولیس کے مطابق گلیانہ کے علاقے فادر کالونی میں صائمہ مسیح کو اس کے پھوپھی زاد شہزاد مسیح نے شادی سے انکار پر فائرنگ کر کے قتل کر دیا ۔
ملزم واردات کے بعد فرار ہو گیا تھا، تاہم پولیس نے اسے بعد میں اسلحے سمیت گرفتار کر لیا۔
پولیس نے مقتولہ کے بھائی شاہد مسیح کی درخواست پر مقدمہ درج کر کے تفتیش شروع کر دی ہے۔