پاکستان کرکٹ بورڈ نے ڈربن ون ڈےکے دوران پیش آنے والے واقعےپرافسوس کا اظہارکرتے ہوئے کہا ہے کہ پی سی بی نےنسل پرستی کےکسی بھی نظریےکاکبھی ساتھ نہیں دیا، واقعہ کھلاڑیوں کی اخلاقی تربیت کی اہمیت کواجاگرکرتاہے۔
پاکستان کرکٹ بورڈ (پی سی بی) نے ایک بیان میں کہا ہے کہ مستقبل میں ایسے ناخوشگوار واقعے سے بچنے کے لئے کھلاڑیوں کی اخلاقی تربیت یقینی بنائیں گے۔
ترجمان کا کہنا ہے کہ سرفرازاحمد معتبر کھلاڑی ہیں، تاہم دل دکھادینے والا بیان قبول نہیں کیاجائے گا۔
ترجمان نے یقین ظاہر کیا کہ واقعے کا جنوبی افریقہ کےخلاف سیریز پر کوئی اثر نہیں پڑے گا۔