روس نے جوہری ہتھیاروں کے معاہدے پر عمل درآمد کے لیے شرائط پیش کرتے ہوئے کہا ہے کہ امریکا رومانیہ میں نصب اپنا دفاعی نظام اور لڑاکا ڈرونز تباہ کردے۔
غیرملکی خبرایجنسی کے مطابق روسی وزارت دفاع نے کہا ہے کہ امریکا ایم کے 41 میزائل ڈیفنس سسٹم اور لڑاکا ڈرونز تباہ کردے تو روس جوہری ہتھیاروں کے معاہدے پر عمل درآمد کرے گا۔
روسی وزارت دفاع کا کہنا ہے کہ ماسکو میں امریکی سفارت خانے کے ملٹری اتاشی کو طلب کرکے روسی شرائط سے آگاہ کردیا گیا ہے۔
واضح رہے کہ آئی این ایف معاہدے سے امریکا کی دستبرداری کے اعلان پر روس نے بھی معاہدے پر عمل درآمد معطل کردیا تھا۔