پاکستان پیپلز پارٹی کی رہنما نفیسہ شاہ نے اسپیکر سندھ اسمبلی آغاسراج درانی کی گرفتاری پر ردعمل کا اظہار کرتے ہوئے کہا ہے کہ اسپیکر کی گرفتاری سندھ اسمبلی کی توہین ہے، نیب قانونی کارروائی نہیں کرائم کر رہا ہے۔
رکن قومی اسمبلی نفیسہ شاہ کا کہنا ہے کہ نیب علیمہ خان سے ڈرتی ہے، پیرپگارا،صدر الدین شاہ، لیاقت جتوئی پر نیب کیوں مہربان ہے۔
نفیسہ شاہ نے کہا کہ اسپیکراسمبلی کا کسٹوڈین ہوتا ہے،نیب کیسے ان کو گرفتار کر سکتے ہیں، آغا سراج درانی کی گرفتاری سندھ پر حملے کے مترادف ہے۔
انہوں نے کہا کہ عمران خان اتنا قرض اٹھائیں جتنا بوجھ برداشت کرسکیں۔