شارجہ (نمائندہ خصوصی) لاہور قلندرز نے سپر لیگ کی تاریخ کا دوسرا بڑا ہدف حاصل کرکےملتان سلطانز کو 6 وکٹوں سے شکست دی۔ لاہور کی ٹیم اس سے قبل دو سو رنز بناکر کوئٹہ سے میچ ہار چکی ہے۔ لاہور کے کپتان اے بی ڈی ویلیئرزکا کہنا ہے کہ مشکل وقت میں اننگز کھیلنے سے مجھ پر دبائو کم ہوا ہے۔ منیجر رانا ثمین کا کہنا ہے کہ آج میری سالگرہ تھی اس سے اچھی خوشی کوئی اور نہیں ہوسکتی کہ ہم نے آخری گیند پر سنسنی خیز میچ جیتا ہے۔