وزيراعظم کی معاون خصوصی فردوس عاشق اعوان نے اپوزیشن کی بیٹھک پر تبصرہ کرتے ہوئے کہا کہ ان لوگوں کو پاکستان کے عوام کا نہ کوئی دکھ ہے نہ درد ہے ، یہ آج افطار پر بیرون ملک دولت ٹھکانے لگانے کی ترکیب سوچیں گے ۔
فردوس عاشق اعوان نے کہا کہ آج کی دعوت افطار پر اومنی گروپ کے باب کو تحفظ دینے کی ترکیب سوچیں گے ، سیاسی بہروپیے عوام کو کاروباری مفادات کے لیےاستعمال کرنے کے ایجنڈے پر کاربند ہیں ۔
انہوں نے کہا کہ عمران خان کی زیرقیادت عوام ان سیاسی بہروپیوں کے دیئے زخموں سے آزاد ہوچکے ہیں، عوام ان سیاسی بہروپیوں کے جھانسے میں اب نہیں آئیں گے۔