لاہور(خالد محمود خالد)کرغستان میں بشکیک کے مقام پر ہونے والی شنگھائی تعاون تنظیم کانفرنس میں شرکت کرنے والے پاکستانی وفد کو اس وقت ہوٹل میں ہی رکنا پڑگیا جب وہ پاکستان کے وزیراعظم عمران خان کو لینے کے لئے ہوٹل سے نکل کر ہوائی اڈے کی طرف جانے کو تیار تھے۔ وفد کے ارکان اپنی گاڑیوں کی طرف جا رہے تھے کہ ان کو بتایا گیا کہ بھارتی وزیراعظم نریندر مودی ہوائی اڈے سے ہوٹل کے لئے روانہ ہو چکے ہیں جس کی وجہ سے ہوائی اڈے کو جانے والے راستے فی الحال بند ہیں۔ وفد کو تقریباً 20منٹ تک ہوٹل میںانتظار کرنا پڑا اور جب مودی ہوٹل پہنچ گئے تو پاکستانی وفد ہوائی اڈے جانے کے لئے روانہ ہوگیا۔