پاکستان کرکٹ ٹیم کے نئے بولنگ کوچ وقار یونس کا کہنا ہے کہ وہ مصباح کی لیڈر شپ میں کام کرنے کے منتظر ہیں۔
سابق ہیڈ کوچ اور موجودہ بولنگ کوچ وقار یونس اپنی ذمہ داریاں سنبھالنے کے لیے آج لاہور پہنچ رہے ہیں۔
وقار یونس کا کہنا ہے کہ وہ مصباح الحق کے ساتھ مل کر ایسا یونٹ بنانا چاہتے ہیں جو پاکستان ٹیم کو ٹاپ پر لے جائے گا، انہوں نے اپنی تقرری پر پی سی بی کا بھی شکریہ ادا کیا۔
واضح رہے کہ وقار یونس لاہور میں کل سے شروع ہونے والی قائد اعظم ٹرافی کا میچ بھی دیکھیں گے۔