سابق امریکی صدرباراک اوباما نے کہا ہےکہ جب میں امریکا کا صدر تھا تب مجھے کینیڈا کے وزیر اعظمجسٹن ٹروڈوکے ساتھ کام کرنے پر فخر محسوس ہوتا تھا۔
سوشل میڈیا پر ایک پیغام میں باراک اوباما نے کہا کہ جسٹن ٹروڈو بہت محنتی اور مؤثر رہنما ہیں ،وہ ماحولیاتی تبدیلی جیسے بڑے مسائل کو اٹھاتے ہیں۔
انہوں نے مزید کہا کہ دنیا کو ٹروڈو جیسے ترقی پسند رہنما کی ضرورت ہے اور میں امید کرتا ہوں کہ ہمارے پڑوسی ممالک ان کی ایک اور مدت کی حمایت کریں گے۔
واضح رہے کہ کینیڈا میں رواں ماہ وفاقی الیکشن ہونے جارہے ہیں۔