پشاورمیں آٹے کی قیمت میں اضافے کے باعث تندور مالکان نے روٹی کی قیمت میں مزید اضافے کا مطالبہ کر دیا۔
نان بائی ایسوسی ایشن کا کہنا ہے کہ ضلعی انتظامیہ نے روٹی کی قیمت پر نظرثانی نہ کی تو از خود قیمت میں اضافہ کرنے پر مجبور ہوں گے۔
بڑھتی ہوئی مہنگائی کے ساتھ پشاور میں آٹے کی قیمت میں بھی اضافہ ہوگیا ہے، آٹے کی 85 کلوگرام بوری کی قیمت 5200 روپے تک جاپہنچی ہے۔
نان بائی ایسوسی ایشن نےضلعی انتظامیہ سے کہا ہے کہ اگر روٹی کی قیمت پر نظر ثانی نہ کی گئی تو ہم از خود قیمت میں اضافہ کرنے پر مجبور ہوں گے۔
نانبائیوں کا کہنا ہے کہ آٹا مہنگا ہونے سے ان کو خسارے کا سامنا ہے، اس نقصان کو پورا کرنے کے لیے روٹی کی قیمت میں اضافہ ضروری ہے۔
انہوں نے ضلعی انتظامیہ کو 150 گرام روٹی کی قیمت 15 روپے مقرر کرنے کی تجویز دی۔