چیئرمین رویت ہلال کمیٹی مولانا محمد عبدالخبیر آزاد کا کہنا ہے کہ توہین مذہب کے مرتکب افراد کو سزا دینا ریاست کی ذمہ داری ہے۔
سرگودھا میں پریس کانفرنس کرتے ہوئے مولانا عبدالخبیر آزاد نے کہا کہ اسلام اقلیتوں کے حقوق کے تحفظ کا حکم دیتا ہے، آئین اقلیتوں کے حقوق کا ضامن ہے۔
مولانا عبدالخبیر آزاد کا کہنا تھا کہ ملک دشمن طاقتیں مذہبی فسادات پھیلا کر قومی یکجہتی کو نقصان پہنچانا چاہتی ہیں۔ وزیراعظم اور وزیر اعلیٰ پنجاب کا سانحہ مجاہد کالونی کا بروقت نوٹس قابلِ تحسین ہے۔