قصور پولیس نے 13 سالہ لڑکی کی فروخت کا منصوبہ ناکام بنا کر ملزم کو گرفتار کر لیا۔
پولیس ترجمان کے مطابق تھانہ کنگن پور کے گاؤں چاہل نو کے رہائشی میاں ریاض اور بیوی بشریٰ نے مظفر گڑھ سے 13 سالہ لڑکی صائمہ کو اغواء کر کے اپنے گھر میں قید کررکھا تھا۔
ترجمان کا کہنا تھا کہ ملزمان نے لڑکی کو فروخت کرنے کا منصوبہ بنایا جو پولیس نے بروقت کارروائی کر کے ناکام بنا دیا، ملزم ریاض کو گرفتار کر کے مقدمہ درج کر لیا گیا ہے۔