کراچی (نیوز ڈیسک) دبئی میں فروغ اسلام کیلئے کام کرنے والی تنظیم نے اعلان کیا ہے کہ گزشتہ برس 2019ء میں ان کے مرکز میں 3 ہزار 771 افراد نے اسلام قبول کیا۔ محمد بن راشد سینٹر فار اسلامک کلچر (آئی اے سی اے ڈی) کے ڈائریکٹر ہند محمد لوتاح کا کہنا ہے کہ ان کے سینٹر کی جانب سے اسلامی تعلیمات، ثقافت اور سوسائٹی میں انسانی اقدار کے فروغ کی کوششیں جاری ہیں۔ انہوں نے بتایا کہ گزشتہ برسوں کے مقابلے میں 2019ء کے دوران مقامی رہائشیوں میں آگہی میں اضافے کی بناء پر لوگوں کی زیادہ تعداد نے اسلام قبول کیا۔ انہوں نے مزید بتایا کہ ان کا مرکز نو مسلموں میں اسلام کے عدم تشدد کے فلسفے کو فروغ دے رہا ہے۔