یوں تو آپ نے اکثر منچلوں کو سرفنگ کرتے دیکھا ہی ہوگا تاہم ویڈیو میں نظر آنے والے اس نوجوان کو ماہر سرفر کہیں تو کچھ غلط نہ ہوگا جو سمندر کی بلند لہروں پر ڈولفنز کے ساتھ سرفنگ کا مظاہرہ کر رہا ہے۔
جی ہاں، یہ مناظر امریکی ریاست کیلیفورنیا کے شہر وینچیورا کے سمندر پر دیکھے گئے جب ایک نوجوان سرفنگ میں مصروف تھا کہ اس دوران اچانک سمندر کی لہروں کے درمیان تین ڈولفنز آگئیں تاہم کھلاڑی نے اپنا شوق جاری رکھا اور ڈولفنز کے ساتھ سرفنگ کا شوق خوب پورا کیا۔
یوں ڈولفنز کے ساتھ سرفنگ کرتے سرفر کی ویڈیو بھی وائرل ہوچکی ہے۔