پاکستان نے افغانستان کی طرف سے افغان عمل کے حوالے سے مذاکراتی ٹیم کے اعلان کا خیر مقدم کیا ہے۔
ترجمان دفتر خارجہ عائشہ فاروقی کا کہنا ہے کہ اس عمل سے انٹرا افغان مذاکرات کی راہ ہموار ہو گی۔
عائشہ فاروقی نے اپنے بیان میں کہا کہ پاکستان سمجھتا ہے کہ افغان قیادت کی طرف سے مفاہمتی عمل کے لیے یہ اہم قدم ہے۔
انہوں نے کہا کہ امریکہ اور افغان طالبان کے درمیان امن معاہدہ افغان امن عمل کیلئے بہترین موقع ہے جبکہ افغان قیادت مل کر اتحاد کے ساتھ ملکی مفاد میں اس سے مستفید ہو سکتی ہے۔