پی آئی اے کی برطانیہ کے لیے خصوصی پروازوں کا شیڈول جاری کردیا گیا ہے۔ اس سلسلے میں سول ایوی ایشن اتھارٹی نے خصوصی پروازوں کی اجازت دے دی ہے۔
شیڈول کے مطابق پی آئی اے اسلام آباد سے لندن، مانچسٹر اور برمنگھم کیلئے8 پروازیں آپریٹ کرے گی، یہ خصوصی پروازیں تین اپریل سے پانچ اپریل کے درمیان چلائی جائیں گی۔
پی آئی اے کی تمام پروازیں پاکستان سے مسافروں کو لیکر روانہ ہوں گی۔ کچھ پروازیں مسافروں کو برطانیہ چھوڑ کر خالی واپس آئیں گی۔
اس حوالے سے سی اے اے نے ہدایت کی ہے کہ تمام مسافروں کی بھی مکمل کورونا وائرس اسکریننگ کی جائے۔