ماہر امراض خون ڈاکٹر طاہر شمسی کا کہنا ہے کہ پیسیو امیونائزیشن پر کام کرنےکے لیے وفاق کی جانب سے نوٹیفکیشن موصول نہیں ہوا ہے۔
ڈاکٹر طاہر شمسی نے جیونیوز کے مارننگ پروگرام ’جیو پاکستان‘ میں گفتگو کے دوران کہا ہے کہ پیسیو امیونائزیشن پر کام کرنے سے متعلق گزشتہ روز مشیرصحت، ڈریپ کمیٹی سے ویڈیو کانفرنس پر بات چیت ہوئی تھی، اجلاس میں پیسیو امیونائزیشن کے بارے میں تفصیلی گفتگو کی گئی تھی۔
ڈاکٹر طاہر شمسی نے کہا ہے کہ پیسیو امیونائزیشن پر کام کرنے کے لیے وفاق کی جانب سے تا حال کوئی نوٹیفکیشن موصول نہیں ہوا۔
انہوں نے مزید کہا کہ وفاق اور صوبوں کے واضح احکامات ملتے ہی پیسیو امیونائزیشن پر کام شروع کردیا جائے گا ۔