وزیراعظم عمران خان نے لاک ڈاؤن میں نوجوانوں کو کتاب پڑھنے کی تجویز دے دی۔
سماجی رابطے کی ویب سائٹ پر جاری بیان میں وزیراعظم نے پاکستانی نوجوانوں کو اسلامی تہذیب اور تاریخ پر مبنی کتاب پڑھنے کا کہا۔
عمران خان نےکتاب کی تصویر شیئر کی اور لکھا کہ بندش (لاک ڈاؤن) کے موسم میں ہمارے نوجوانوں کے مطالعے کے لیے ایک لاجواب انتخاب ہے۔
انہوں نے کہاکہ یہ کتاب ان تاریخی عوامل کا نہایت خوبصورت مگر مختصر مجموعہ ہے، جنہوں نے تمدنِ اسلامی کو اپنے دور کی عظیم ترین تہذیب کی شکل دی اور ان عوامل سے پردہ اٹھاتی ہے جو اس کے زوال کی وجہ بنے۔