واشنگٹن(جنگ نیوز) امریکی صدر ڈونلڈ ٹرمپ نے کہا ہے کہ وہ ملیریا کی دوا ہائیڈروکسی کلوروکوئن لینا ایک آدھ روز میں بند کردیں گے۔میڈیا رپورٹس کےمطابق گورنر کنساس سے ملاقات کے موقع پر صحافیوں سے بات کرتے ہوئے صدر ٹرمپ نے کہا کہ کلوروکوئن کی ڈوز دو روز میں پوری ہوجائے گی،گزشتہ روز صدر ٹرمپ نے کہا تھا کہ وہ کورونا وائرس سے بچنے کے لیے ہائیڈروکسی کلوروکوئن دو ہفتے سے لے رہے ہیں جس پر دنیا بھر میں ڈاکٹروں نے حیرت کا اظہار کیا تھا۔