راولپنڈی، اسلام آباد (سٹاف رپورٹر، خصوصی نامہ نگار) مختلف علاقوں سے تین لڑکیوں سمیت چارافرادکواغواکرلیاگیا۔تھانہ رتہ امرال کو کامران نے بتایا کہ اس کے بڑے بھائی محمد ارشد کو گل زمان ، محمد بشیر اور حیات محمد نے مل کر اغوا کر لیا ہے ۔ تھانہ پیرودھائی کو محمد یٰسین نے بتایا کہ اس کی 17سالہ بیٹی (لام) کو شیرا ز ، فیضان اور نزاہت نے اغواکر لیا۔ تھانہ وارث خان کو طارق نے بتایا کہ میرے چھوٹے بھائی محمد عارف کا ذہنی توازن درست نہیں وہ غائب ہوگیا ۔ تھانہ ائرپورٹ کو گل شیرنے بتایا کہ اس کی 16سالہ بیٹی (ج) کو فیصل محمود اورجبارنے اغوا کر لیا ۔ تھانہ کھنہ کو حاجی سرور نے بتایا کہ ان کی 18 سالہ بیٹی (ا ٰی) کو محمد مجید نے اغواء کر لیا۔