سندھ رینجرز نے کارروائی کے دوران ایک ملزم کو گرفتار کرکے جامعہ کراچی کے شعبہ کرمنالوجی میں چوری ہونیوالا سامان برآمد کرلیا۔
ترجمان رینجرز کے مطابق جامعہ کراچی کے شعبہ کرمنالوجی ڈپارٹمنٹ میں چوری کا کیس حل کر لیا گیا۔
رینجرز نے اویس نامی ملزم کو گرفتار کرکے ملزم سے چوری شدہ سامان برآمد کرلیا، ملزم یونیورسٹی کا سابق طالب علم ہے۔
ابتدائی تفتیش کے بعد ملزم کو معہ مسروقہ سامان قانونی کارروائی کیلئے پولیس کے حوالے کر دیا گیا ہے۔