قومی ایئرلائن پی آئی اے نے فرانس میں پھنسے پاکستانیوں کو واپس لانے کے لیے چار پروازیں چلانے کا اعلان کیا ہے۔
ترجمان پی آئی اے کے مطابق فرانس میں پھنسے پاکستانیوں کو لانے کے لیے پروازیں 15 سے 30 اگست کے درمیان چلائی جائیں گی۔
اسلام آباد اور پیرس کے درمیان چار پروازوں کا شیڈول بھی جاری کردیا گیا ہے۔
شیڈول کے مطابق 16 اور 30 اگست کو اسلام آباد سے جبکہ 15 اور 29 اگست کو پیرس سے پروازیں چلائی جائیں گی۔